Мэдээлэл

Хантай багийн шинэ байршлын ерөнхий төлөвлөгөө батлагдав

Хантай багийн шинэ байршлын ерөнхий төлөвлөгөө батлагдав

 

ХАНТАЙ БАГИЙН ИРГЭДИЙН НИЙТИЙН ХУРАЛД МЭДЭЭЛЭЛ ХИЙЛЭЭ

Монгол Улсын засгийн газраас Эгийн голын УЦС-ыг барихаар шийдвэр гаргасан. Энэ ажлын хүрээнд олон ажил хийгдэж байна. Төслийн нэгжээс Булган аймгийн Хутаг-Өндөр сумын Хантай багийн Иргэдийн нийтийн хуралд танилцуулга хийж иргэдэд төслийн хүрээнд хийгдэж байгаа болон хийх ажлуудыг танилцууллаа. Усан сангийн талбайд Хантай баг орж байгаа тул нүүлгэн суурьшуулах ажлыг зохион байгуулах шаардлагатай болсон. Уг хурлын үеэр багийн иргэд харьцангуй мэдээлэл сайтай байгаагаа илэрхийлж, олон жил яригдсан, Улс оронд хийгдэж байгаа бүтээн байгуулалтаа эхлэж, биднийг нүүх боломжоор хангаж өгөх тухай хүсэлт тавьж байсан бөгөөд УЦС барих ажилд оролцох, нутгийн иргэд жижиг бизнес эрхлэх боломжтой эсэх, авто зам хаагуур тавих талаар асууж, ярилцаж ирээдүйгээ гэрэл гэгээтэй харж байгаагаа хэлж байлаа.

ЗӨВЛӨХ КОМПАНИ ТӨСЛИЙН НЭГЖИД АЖИЛЛАВ

Эгийн голын УЦС төслийн зөвлөх Франц улсын Трактебел инженеринг (GDF Suez) компанийн төслийн менежер, далангийн мэргэжилтэн J.M Vuillot тэргүүтэй мэргэжилтнүүд төслийн нэгжид ажиллаж байна. Эгийн голын УЦС-ын төслийн нэгжийнхэнтэй уулзалт зохион байгуулж төслийн урьдчлан хийгдэж байгаа ажлуудын талаар ярилцав. Трактебел инженеринг (GDF Suez) компани 1947 онд байгуулагдсан 250 гаран далангийн байгууламжид ажилласан туршлагатай энэ салбарт дэлхийд тэргүүлэх компани юм. 

ЗАГАСНЫ СУДАЛГАА ЭХЭЛЛЭЭ

Эгийн голын загас болон усны амьтадыг хамгаалах судалгааг өргөн хүрээнд хийх зорилгоор Байгаль хамгаалах Монголын тул сантай хамтран ажиллах гэрээнд гарын үсэг зурлаа. Төслийн нэгжийн хамтрагчаар сонгогдсон тус сан нь 2003 оноос Эг үүрийн сав газарт олон улсын багтай хамтарсан загасны судалгаа хийж гадаадын нэрд гарсан 12 газар хамтран оролцсон байна. Цэнгэг усны ховор тул загасны идэш тэжээл, шилжилт хөдөлгөөн, үржлийн судалгааг 10 гаруй жил хийсэн туршлага нь Эгийн голын УЦС-ынхан уг санг сонгох үндэс болсон. ОХУ, Франц, АНУ, Канад-ын дэлхийд нэрд гарсан эрдэмтэд уг сантай хамтран үр дүнтэй судалгааг хийжээ. Заримаас нь дурдвал Даян дэлхийн Байгаль хамгаалах сан. National Geographic телевизийн суваг орж байна. Сүүлийн үеийн дэвшилтэд технологи, аргачлалаар хийгдэх судалгаа хоёр тал гарын үсэг зурсанаар энэ хавар эхэлж олон орны эрдэмтэд ирж ажлаа эхлэхээр боллоо. Ингэснээр Эгийн голын УЦС төслийн нэгж Байгаль хамгаалах монголын тул сан хамтран Эгийн голын сав газарт загас болон усны амьтадыг хамгаалах судалгааг хийж эхэллээ.

УСАН ЦАХИЛГААН СТАНЦЫН ТУХАЙ МЭДЭЭЛЭЛ ӨГӨВ

УИХ-ын дарга З.Энхболд Турк Улсын ZTM корпорацийн захирал Муслум Гундузыг өнөөдөр хүлээн авч уулзлаа. УИХ-ын гишүүн, Төрийн байгуулалтын байнгын хорооны дарга А.Бакей, УИХ-ын гишүүн А.Тлейхан нарын санаачилгаар Баян-Өлгий аймгийн төвөөс 30 гаруй км зайд Ногоон нуур сумын нутаг дэвсгэр “Тавалтайн хавцал” хэмээх газар 56 МВт хүчин чадалтай усан цахилгаан станц барих судалгааг Туркийн ZTM корпораци өөрийн хөрөнгөөр хийж дуусгасан бөгөөд одоогийн байдлаар Техник, Эдийн засгийн үндэслэл (ТЭЗҮ)-ийг боловсруулж байгаа юм. ZTM корпорацийн захирал Муслум Гундуз, УИХ-ын даргыг цаг зав гарган хүлээн авч уулзсанд талархаж буйгаа илэрхийлээд, компанийнхаа үйл ажиллагааны талаар танилцуулав.

Дэлгэрэнгүй...

ЛОН УЛСЫН ХУРАЛ БОЛОВ

Булган аймгийн Хутаг-өндөр суманд Эгийн гол дээр баригдах Эгийн голын УЦС Монгол Улсын Эрчим Хүчний системд маш чухал үүрэгтэй стратегийн ач холбогдолтой төдийгүй Байгаль орчинд ээлтэй төсөл юм. НҮБ-н Хүнс хөдөө аж ахуйн байгууллага болон Байгаль хамгаалах Монголын Тул сангаас зохион байгуулсан Усан цахилгаан станцын загас өнгөрүүлэх байгууламж улс орнуудын туршлага сэдэвт олон улсын хурал боллоо.

Дэлгэрэнгүй...

СЭХ-ИЙ ХЭРЭГЛЭЭГ 3 ДАХИН НЭМЭХ ШААРДЛАГАТАЙ

Нэгдсэн үндэстний байгууллагын эрдэмтдийн тооцоолсноор 2000-2010 оны хооронд хүлэмжийн хийн ялгарал 2.2 хувь байсан нь өнгөрсөн 30 жилийнхээс 1 хувь илүү байжээ. Нэгдсэн үндэстний байгууллагаас 50 жилдээ Хүлэмжийн хийн ялгарлыг 40-70 хувь бууруулан энэ зууны эцсээр 0 хувь хүргэж чадвал дэлхийн дулаарлын түвшин хэвийн хэмжээнд очих тооцоо хийсэн байна. Нэгдсэн үндэстний байгууллага олон улсын хэмжээнд Сэргээгдэх эрчим хүчний хэрэглээг ойрын хугацаанд 3 дахин нэмэх шаардлагтайг онцоллоо.

ЭГИЙН ГОЛЫН ХӨНДИЙД АРХЕОЛОГИЙН СУДАЛГАА ЭХЭЛЛЭЭ

Эгийн голын УЦС төслийн нэгжийн захиалгаар Эгийн голын ай сав газарт хийгдэх Археологийн судалгаа эхэллээ. Судалгааны багт ШУТИС-н Нийгмийн технологийн сургуулийн профессоруудын баг, ШУА-н Археологийн хүрээлэн, МУИС-ийн Улаанбаатар Их сургуулийн Археологийн тэнхим хамтран оролцож байна. Эгийн голын УЦС-ын усан сангийн талбай, авто зам, цахилгаан дамжуулах агаарын шугамын трасын дагуу хайгуулын судалгаа хийж 500 гаруй түүх, археологийн олдвор илрүүлж тэмдэглэгээ хийжээ. Улмаар 2014 оны 4-р сараас 2 жилийн хугацаанд авран хамгаалах ажлыг хийхээр төлөвлөж байна.

                                                                  

Холбоо барих

  • +976 7711 11 50
  • contact@eghpp.mn
 

Манай хаяг

Баянзүрх дүүрэг 26-р хороо Олимпийн гудамж Энканто Таун 3 дугаар давхарт Улаанбаатар хот Монгол Улс

Сошиал медиа