Мэдээлэл

ОХУ-ын талд мэдээлэл өгөх уулзалт боллоо.

2016 оны 5 дугаар сарын 23, 24-ний өдрүүдэд “Монгол Улсад хэрэгжүүлэхээр төлөвлөж байгаа зарим усан цахилгаан станц, усны барилга байгууламжийн төслүүдийн талаар ОХУ-д мэдээлэл өгөх уулзалт”-ыг Улаанбаатар хотноо зохион байгууллаа.Уулзалтын зорилго нь хойд хөрштэйгээ ус, усны эрчим хүчний асуудлаар харилцан ойлголцох, цаашид хамтран ажиллах явдал байлаа. Уулзалтад ОХУ-ын Байгалийн нөөц, экологийн яам, Эрчим хүчний яам, Оросын Сибирийн болон Буриадын салбарын шинжлэх ухааны төв, Енисей голын сав газрын усны удирдах газар, ЭСЯ-ны төлөөлөл зэрэг зохих албаны төлөөлөгчид хүрэлцэн ирж оролцлоо.

Дэлгэрэнгүй...

Ажлын хэсэг Төслийн талбарт ажиллав

Эгийн голын усан цахилгаан станцын барилга байгууламж, далан, усан сан үүсэх газрыг улсын улсын тусгай хэрэгцээнд авахтай холбогдуулан усан сан хуримтлагдах талбайд газар эзэмшиж байгаа иргэн, аж ахуйн нэгж, байгууллагын газрын кадастрын бүртгэл, газар ашиглалтын байдалд судалгаа хийн дүгнэлт хийх ажлын хэсэг тус газарт ажиллаад ирлээ. БОНХАЖЯ-ны Газрын нөөцийн зохицуулалтын хэлтсийн дарга .Л.Нямаар ахлуулсан ажлын хэсэгт Газрын харилцаа,геодиз зураг зүйн газар Хүнс хөдөө аж ахуйн яамны болон ЭГУЦСТН-ийн ажилтнууд,Булган аймгийн газрын харилцаа,барилга хот байгуулалтын газрын дарга Ч.Балдандорж тэргүүтэй орон нутгийн төлөөлөл оролцлоо. Эгийн голын усан цахилгаан станцын барилга байгууламж,

Дэлгэрэнгүй...

Эгийн голын УЦС монголчуудад амин чухал

Эгийн голын усан цахилгаан станцын ажлын явцын талаар төслийн нэгжийн захирал Д.Одхүүтэй ярилцлаа.

-Эгийн голын усан цахилгаан станцын дэд бүтцийн ажил ямар шатандаа явж байна вэ?

-Эгийн голын усан цахилгаан станцын урьдчилсан шатны дэд бүтцийн ажлыг хийхээр өнгөрсөн оны арваннэгдүгээр сард гэрээ хийсэн. БНХАУ-ын компани өөрийн хөрөнгөөр гүйцэтгэхээр болсон. Өөрөөр хэлбэл, тухайн компани өөрийн хөрөнгөөр гүйцэтгээд манай талаас тодорхой хугацаанд эргүүлэн төлөх юм.

Дэлгэрэнгүй...

Ажлын хэсгийнхэн орон нутагт ажиллав.

Хантай багийг нүүлгэн суурьшуулах, байгаль орчны асуудал, газрын харилцааг зохицуулах үүрэг бүхий ажлын хэсэгийн хурлаар ажлын хэсгийнхэн Эгийн голын усан цахилгаан станцын төслийн талбарт очиж ажиллах нөгцөл байдалтай нь танилцах санал гарсан тул 2 өдөр орон нутагт ажиллаа. - Булган аймгийн Засаг захиргааны удирдлагууд, Байгаль орчин, аялал жуулчлалын газар, Мэргэжлийн хяналтын газрын удирдлагууд, Хутаг-Өндөр сумын Засаг дарга, Хантай багийн Засаг дарга, ойн мэргэжлийн байгууллагтай хамтран Эгийн голын УЦС-ын 14 га газрын унанги мод цэвэрлэх талбайг газар дээр очиж үзэн, газрын нөхцөл байдалтай танилцав.

Дэлгэрэнгүй...

Булган аймгийн төвд Хантай багийг нүүлгэн суурьшуулах

Хантай багийг нүүлгэн суурьшуулах, байгаль орчны асуудал, газрын харилцааг зохицуулах үүрэг бүхий ажлын хэсгийн ээлжит хуралдаан Булган аймагт боллоо

Эгийн голын усан цахилгаан станцын урьдчилсан шатны дэд бүтцийн ажлыг концессын гэрээгээр гүйцэтгэхээр болж бэлтгэл ажлууд эхэлсэнтэй холбогдуулан ажлын хэсгийнхэн Булган аймагт хуралдлаа.

Аймгийн засаг дарга Д.Эрдэнэбат удирдсан ажлын хэсгийн хурлаар дараах асуудлуудыг хэлэлцэв.

Үүнд:

1. Эгийн голын УЦС-ын усан сангийн талбайгаас 2016 онд ашиглах мод бэлтгэлийн талаар санал боловсруулж, холбогдох байгууллагад уламжилах;

2. Улсын тусгай хамгаалалттай газар нутгийн хилийн заагт өөрчлөлт оруулах болон зарим газар нутгийг улсын тусгай хэрэгцээнд авах тухай ЗГ-ын тогтоолын төслийг танилцуулах;

Дэлгэрэнгүй...

Хантай багийн шинэ байршлын ерөнхий төлөвлөгөө батлагдав

Хантай багийн шинэ байршлын ерөнхий төлөвлөгөө батлагдав

 

ХАНТАЙ БАГИЙН ИРГЭДИЙН НИЙТИЙН ХУРАЛД МЭДЭЭЛЭЛ ХИЙЛЭЭ

Монгол Улсын засгийн газраас Эгийн голын УЦС-ыг барихаар шийдвэр гаргасан. Энэ ажлын хүрээнд олон ажил хийгдэж байна. Төслийн нэгжээс Булган аймгийн Хутаг-Өндөр сумын Хантай багийн Иргэдийн нийтийн хуралд танилцуулга хийж иргэдэд төслийн хүрээнд хийгдэж байгаа болон хийх ажлуудыг танилцууллаа. Усан сангийн талбайд Хантай баг орж байгаа тул нүүлгэн суурьшуулах ажлыг зохион байгуулах шаардлагатай болсон. Уг хурлын үеэр багийн иргэд харьцангуй мэдээлэл сайтай байгаагаа илэрхийлж, олон жил яригдсан, Улс оронд хийгдэж байгаа бүтээн байгуулалтаа эхлэж, биднийг нүүх боломжоор хангаж өгөх тухай хүсэлт тавьж байсан бөгөөд УЦС барих ажилд оролцох, нутгийн иргэд жижиг бизнес эрхлэх боломжтой эсэх, авто зам хаагуур тавих талаар асууж, ярилцаж ирээдүйгээ гэрэл гэгээтэй харж байгаагаа хэлж байлаа.

ЗӨВЛӨХ КОМПАНИ ТӨСЛИЙН НЭГЖИД АЖИЛЛАВ

Эгийн голын УЦС төслийн зөвлөх Франц улсын Трактебел инженеринг (GDF Suez) компанийн төслийн менежер, далангийн мэргэжилтэн J.M Vuillot тэргүүтэй мэргэжилтнүүд төслийн нэгжид ажиллаж байна. Эгийн голын УЦС-ын төслийн нэгжийнхэнтэй уулзалт зохион байгуулж төслийн урьдчлан хийгдэж байгаа ажлуудын талаар ярилцав. Трактебел инженеринг (GDF Suez) компани 1947 онд байгуулагдсан 250 гаран далангийн байгууламжид ажилласан туршлагатай энэ салбарт дэлхийд тэргүүлэх компани юм. 

                                                                  

Холбоо барих

  • +976 7711 11 50
  • contact@eghpp.mn
 

Манай хаяг

Баянзүрх дүүрэг 26-р хороо Олимпийн гудамж Энканто Таун 3 дугаар давхарт Улаанбаатар хот Монгол Улс

Сошиал медиа